Shirokov, sem er 39 ára gamall og búinn að leggja skóna á hilluna, var allt annað en sáttur með dómarann í þessum leik sem átti nú aðallega bara að vera til gamans. Shirokov missti stjórn á skapi sínu eftir að hann fékk ekki víti. Dómarinn var ekki sáttur með Shirokov og virtist ætla að spjalda hann. „Ef þú gefur mér rautt spjald þá kýli ég þig,“ á Shirokov að hafa sagt við dómarann.
Dómarinn gaf honum engu að síður rautt spjald og kýldi Shirokov hann þá í andlitið. Þá sparkaði Shirokov einnig í dómarann á meðan að hann lá hreyfingarlaus á jörðinni. Dómarinn er bólginn í andlitinu eftir barsmíðarnar auk þess sem hann fékk ljótan skurð fyrir ofan augað sitt.
Shirokov hefur nú beðist afsökunnar á framferði sínu. „Ég vil fá að biðjast innilegrar afsökunar fyrir að hafa hagað mér svona. Ég veit það vel að það að gefa ekki augljóst víti og sýna síðan rauða spjaldið getur ekki réttlætt það sem ég gerði. Ég vona að dómarinn geti snúið aftur til starfa eins fljótt og auðið er.“
Rússneskur sérfræðingur í fótbolta, Artur Petrosyan, segir að dómarinn ætli að fara til lörgeglunnar en sé hræddur um að það bindi enda á ferilinn því Shirokov er með svo góðar tengingar. „Ég var í fjóran og hálfan tíma á spítalanum og síðan auka 15-20 mínútur í neyðarmóttökunni. Ég fékk spor alls staðar og fór í alls konar rannsóknir. Það sem skiptir mestu er að það er í lagi með mig. Það sem drepur þig ekki gerir þig bara sterkari, eins og þeir segja,“ sagði dómarinn.