Í síðustu viku komst Fulham upp í efstu deild Englands eftir 2-1 sigur á Brentford á Wembley. Sigur í leiknum tryggði pláss í úrvalsdeildinni og voru leikmenn Fulham að vonum glaðir. Þeir fögnuðu að mestu á hótelinu sínu.
Cairney gaf innsýn í hvernig fagnaðarlætin í viðtali við SkySports daginn eftir. Eftir að vera spurður hvernig honum liði eftir gærkvöldið spurði hann fréttamann hvað klukkan væri. „Ég er frekar þunnur og þreyttur en aðallega er ég stoltur. Ég er stoltur af strákunum, stoltur af liðinu og ánægður fyrir hönd þjálfarans og starfsfólksins. Það er frábær tilfinning að komast aftur í efstu deildina,“ sagði Cairney en Fulham spilaði síðast í efstu deildinni tímabilið 2018-2019. Viðveran í deildinni fyrir neðan var því ekki löng.
Cairney sagði við fréttamanninn í djóki að það hafi verið bara rólegt hjá liðinu eftir sigurinn. „Nei ég segi svona, það var smá karaókí, nóg af bjór og kampavíni. Það var svo gott að deila þessu með öllum. Þetta er búið að vera erfitt ár svo það var virkilega gott að klára það svona.“ Þá var Cairney spurður hvernig karaókíið var. „Ég prófaði smá, það var ekki það besta en ég reyndi.“