Breiðablik er búið að kaupa miðjumanninn Atla Hrafn Andrason af Víkingi Reykjavík.
Atli Hrafn Andrason skrifaði í dag undir langtímasamning við Breiðablik sem greinir frá kaupunum á Facebook-síðu sinni. Atli Hrafn, sem er kant- og miðjumaður, er uppalinn hjá KR en árið 2017 gekk hann í raðir Fulham. Eftir það fór hann í Víking árið 2018 en þar skoraði hann fimm mörk í 51 mótsleik fyrir félagið. Atli Hrafn á jafnframt að baki 23 leiki með yngri landsliðum Íslands.
„Við fögnum komu Atla Hrafns í félagið. Hann er ungur og öflugur leikmaður sem við teljum að styrki hópinn mikið,“ sagði Óskar Hrafn Þorvaldsson þjálfari Breiðabliks.