Ruben Loftus-Cheek, leikmaður Chelsea, þarf að fjarlægja pall heima hjá sér sem hann lét byggja fyrir um þremur árum.

Þetta ákvað dómstóll á Englandi í gær en nágrannar Loftus-Cheek kvörtuðu yfir pallinum og segjast ekki fá að vera í friði vegna hans.

,,Við höfum svo sannarlega ekki sama næði og við höfðum áður,“ sagði einn nágranni miðjumannsins.

Loftus-Cheek reyndi allt til þess að fá að halda pallinum og kallaði þessa kvörtun ‘kjánalega’ og ‘asnalega’ á meðal annars.

Nú er búið að dæma í málinu og þarf leikmaðurinn að rífa niður pallinn fyrir utan heimili sitt.

Nágrannarnir kvörtuðu einnig yfir því að það kæmu mikil læti þegar Loftus-Cheek spilaði tónlist á pallinum umtalaða.

,,Þetta er ekkert smá dónalegt. Ég man eftir einu atviki í sumar þegar við spiluðum tónlist um helgi,“ sagði Loftus-Cheek.

,,Við þurftum að slökkva á henni því við heyrðum dramatísk öskur og flaut. Við höfum aldrei spilað tónlist seint um kvöld. Við höfum ekki brotið nein lög.“

Enski landsliðsmaðurinn fékk hins vegar aldrei leyfi til að byggja pallinn og notuðu nágrannarnir það gegn honum í málinu.