RB Leipzig er búið að finna arftaka Timo Werner sem hefur gert samning við Chelsea á Englandi.
Leikmaðurinn er Hwang Hee-Chan en hann kemur til félagsins frá RB Salzburg í Austurríki.
Leipzig borgar 14 milljónir evra fyrir framherjann sem tekur treyjunúmer Werner hjá félaginu eða númerið 11.
Suður-koreski landsliðsmaðurinn skrifar undir fimm ára samning en hann lék með Salzburg í fimm ár.
Hann er með reynslu úr þýsku deildinni og spilaði með Hamburg á láni 2018-2019.