Jurgen Klopp, stjóri Liverpool, ætlar ekki að nota Adam Lallana meira á tímabilinu vegna ótta að leikmaðurinn meiðist.
Lallana er að kveðja Liverpool í sumar en hann þarf að vera í standi til að finna sér nýtt félag.
Klopp veit að hann gæti treyst á Lallana ef þess þarf en ætlar að virða framtíð miðjumannsins.
,,Það er augljóst að Adam sé á förum frá félaginu í sumar. Við erum í erfiðri stöðu en ég mun virða Adam,“ sagði Klopp.
,,Allt varðandi Adam er búið að leysa, ég get orðað það þannig. Hann er í standi og er að æfa, allt er í lagi.“
,,Framtíðin er hans framtíð og ef við þurfum á hans hjálp að halda þá er hann hérna.“
,,Við munum ekki taka neinar áhættur varðandi hans framtíð. Það er á hreinu. Hann hefur verið einn mikilvægasti leikmaðurinn síðan ég kom og ég óska honum alls hins besta.“