Derek Boateng, landi Thomas Partey, varar leikmanninn við því að ganga í raðir Arsenal í sumar.
Partey er sterklega orðaður við Arsenal þessa dagana en hann er á mála hjá Atletico Madrid.
,,Hann þarf að spila þar sem hann er ánægður, fær virðingu og fær líka mikið af mínútum,“ sagði Boateng við MyJoy.
,,Þú getur þénað eins mikla peninga og þú vilt en ef þjálfarinn spilar þér ekki þá ertu ekki ánægður.“
,,Ég mæli með að hann fari ekki í Arsenal því hann er Meistaradeildarleikmaður. Arsenal er ekki með þannig leikmenn og sumir munu vilja komast burt.“