Jose Mourinho, stjóri Tottenham, svaraði fyrir sig í gær eftir færslu sem Arsenal birti á Twitter síðu sína.
Arsenal birti myndband af 2-1 sigri liðsins gegn Sheffield United i bikarnum og skrifaði við myndbandið: ‘Það er ekki auðvelt að vinna Sheffield United á Bramall Lane.’
Það var augljóst skot á Tottenham sem tapaði 3-1 gegn Sheffield í ensku úrvalsdeildinni á dögunum.
,,Ef þeir væru á toppi deildarinnar eða kannski að berjast um Meistaradeildarsæti þá hefðu þeir ekki gaman að vandræðum annarra,“ sagði Mourinho.
,,Þú nýtur þess að sjá aðra í vandræðum þegar þú ert sjálfur í vandræðum. Þetta segir meira um þá.“
,,Þeir hafa ekki miklu að fagna, þeir þurfa að nýta þau tækifæri sem þeir fá. Við erum í svipuðum málum í deildinni..“