Josep Maria Bartomeu, forseti Barcelona, hefur staðfest það að Lionel Messi muni klára ferilinn hjá félaginu.
Messi skrifaði síðast undir nýjan samning árið 2017 og eru orðrómar um að hann vilji komast burt á næsta ári.
,,Messi er búinn að segja að hann muni enda ferilinn hjá barcelona,“ sagði Bartomeu við Movistar.
,,Ég ætla ekki að fara út í smáatriðin því við erum að einbeita okkur að deildarkeppninni og erum að ræða við marga leikmenn.“
,,Messi er búinn að útskýra fyrir okkur að hann vilji vera áfram svo við fáum að njóta hans í mörg ár til viðbótar.“