fbpx
Föstudagur 07.ágúst 2020
433Sport

Formaður dómaranefndar KSÍ: ,,Dómarar þurfa leikæfingu alveg eins og leikmenn“

Victor Pálsson
Þriðjudaginn 7. júlí 2020 16:15

© 365 ehf / Ernir Eyjólfsson fótbolti, Frostaskjól, Fylkir, karlar, knattspyrna, Knattspyrnufélag Reykjavíkur, KR, Pepsimax-deildin

Ekki missa af Helstu tíðindum dagsins í pósthólfið þitt

Lesa nánar

Þóroddur Hjaltalín, formaður dómaranefndar KSÍ, skrifaði pistil á heimasíðu sambandsins í kvöld í kjölfar umræðu sem hefur verið í gangi.

Dómarar í úrvalsdeild karla hafa fengið töluverða gagnrýni undanfarið og sérstaklega eftir umferð helgarinnar.

Umdeild atvik komu upp í leik Breiðabliks og KA og einnig leik KR og Víkings R. þar sem þrjú rauð spjöld fóru á loft.

Þóroddur hefur nú svarað fyrir hönd dómara Íslands og má lesa pistil hans hér fyrir neðan.

Pistill frá Þóroddi Hjaltalín, formanni dómaranefndar KSÍ:

Mikil athygli hefur verið á dómgæslu í íslenskum fótbolta undanfarið, að margra mati það mikil að athyglin er að fara frá leiknum sjálfum, sem ætti auðvitað að vera aðalatriðið. Það er alltaf best þegar athyglin er á liðunum, leikjunum sjálfum og leikmönnunum. Best er þegar dómararnir eru nánast ósýnilegir, ef svo má að orði komast.

En auðvitað er það ekki alltaf þannig því dómarar þurfa oft að taka mikilvægar ákvarðanir í leikjunum og óhjákvæmilega gera dómarar mistök, eins og aðrir þátttakendur leiksins. Þá kemur eðlilega fram gagnrýni á þeirra störf. Svo hefur verið í gegnum tíðina og mun halda áfram að vera svo. Gagnýni á alltaf rétt á sér en hún verður að vera málefnaleg og byggð á þekkingu á knattspyrnulögunum og þeim áherslum sem eru í gildi hverju sinni.

Mikil vinna er í gangi innan KSÍ þegar kemur að þjálfun og undirbúningi dómara, hvort sem það er líkamlegi eða tæknilegi þátturinn. Hjá dómaranefnd KSÍ er til að mynda kerfi þar sem dómarar hafa sinn leiðbeinanda og hefur það kerfi reynst vel. Vissulega var undirbúningstímabilið hjá dómurum með öðru sniði að þessu sinni eins og hjá öllum öðrum. Haldnir voru fjölmargir fjarfundir þar sem farið var yfir atvik og lína lögð til samræmingar. Það hins vegar kemur ekki í staðinn fyrir bestu æfinguna og besta undirbúninginn, sem er að dæma leiki. Dómarar þurfa leikæfingu alveg eins og leikmenn. Fyrir knattspyrnusumarið 2020 var lítið um æfingaleiki eins og við vitum.

Dómarahópurinn samanstendur af mjög metnaðarfullum einstaklingum sem leggja á sig gríðarlega vinnu og gera ekki síður miklar kröfur til sín sjálfir. Við höfum verið að ganga í gegnum ákveðin kynslóðaskipti undanfarin ár og margir hætt sem voru komnir með mikla reynslu. Reynslan er nefnilega það sem er ómetanlegt í knattspyrnudómgæslu. Að gera mistök og læra af þeim er mjög mikilvægt í ferlinu. 

Allir landsdómarar og eftirlitsmenn á Íslandi hafa aðgang að Sport Matrix kerfinu, þar sem búið er að flokka niður ákvarðanir dómarans í leiknum. Dómarinn og eftirlitsmaðurinn geta þannig skoðað myndbrot af atvikum í leiknum og lært af þeim.

Við getum treyst því að dómararnir séu heiðarlegir og að þeir dæmi eftir bestu sannfæringu. Stundum er erfitt að meta hvort um leikbrot sé að ræða, en dómarinn þarf engu að síður að taka ákvörðun á mjög skömmum tíma og það gerir hann eftir bestu sannfæringu burtséð frá því hver viðbrögðin við þeirri ákvörðun verða.

Íslensk knattspyrna á sem betur fer marga unga og efnilega dómara sem hafa verið að standa sig mjög vel og eiga án nokkurs vafa eftir að verða betri. Allir dómararnir eru að leggja sig 100% fram og allir vilja þeir verða betri með hverjum leiknum.

Dómarar eru mikilvægir þátttakendur í knattspyrnuíþróttinni sem okkur öllum þykir svo vænt um og eiga það skilið, eins og aðrir þátttakendur leiksins, að þeim sé sýnd virðing.

Með knattspyrnukveðju.
Formaður dómaranefndar KSÍ.
Þóroddur Hjaltalín.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

433Sport
Fyrir 2 dögum

Veðmálasíða opinberar upplýsingar – Hundruðir milljóna í íslenska boltanum

Veðmálasíða opinberar upplýsingar – Hundruðir milljóna í íslenska boltanum
433Sport
Fyrir 2 dögum

Hin 16 ára Amanda Andradóttir skrifar undir í Danmörku

Hin 16 ára Amanda Andradóttir skrifar undir í Danmörku
433Sport
Fyrir 3 dögum

Markahæstar í Lengjudeildinni það sem af er móti – Þrjár með fimm mörk

Markahæstar í Lengjudeildinni það sem af er móti – Þrjár með fimm mörk
433Sport
Fyrir 3 dögum

Andri Fannar verður áfram á Ítalíu – Framlengir við Bologna

Andri Fannar verður áfram á Ítalíu – Framlengir við Bologna
433Sport
Fyrir 3 dögum

Hinn ungi og efnilegi Ísak spilaði allan leikinn í Svíþjóð

Hinn ungi og efnilegi Ísak spilaði allan leikinn í Svíþjóð
433Sport
Fyrir 3 dögum

Rashford mun prýða forsíðu Vogue tímaritsins – „Þá væri ég að bregðast sjálfum mér“

Rashford mun prýða forsíðu Vogue tímaritsins – „Þá væri ég að bregðast sjálfum mér“