Virgil van Dijk, leikmaður Liverpool, valdi að ganga í raðir liðsins vegna Jurgen Klopp.
Van Dijk greinir sjálfur frá þessu en hann samdi við Liverpool frá Southampton í byrjun 2018.
Önnur lið reyndu að næla í hollenska varnarmanninn en Klopp varð að lokum fyrir valinu.
,,Ég gat valið á milli Manchester City og Chelsea,“ sagði Van Dijk við blaðamenn.
,,Þegar þú berð saman lið horfiru á söguna, borgina, liðið og plönin fyrir framtíðina en það mikilvægasta er stjórinn.“
,,Jurgen Klopp er mikilvæg ástæða fyrir því að ég valdi Liverpool. Hann er með eitthvað sérstakt. Er það orkan hans? Er það persónuleikinn? Stundum hugsa ég um hvað hann sé með sem aðrir eru ekki með.“