Paul Pogba, leikmaður Manchester United, bauð upp á gott grín á Instagram síðu sinni í gær.
Pogba lék með United á laugardaginn og átti góðan leik er liðið vann 5-2 sigur á Bournemouth.
Með Bournemouth leikur Norðmaðurinn Joshua King en hann og Pogba þekkjast vel.
Þeir voru áður saman í unglingaliði United áður en King hélt til Blackburn og Pogba til Juventus.
Pogba birti mynd af þeim félögum í leiknum þar sem King rífur vel í treyju miðjumannsins.
,,Ég sagði þér að ég myndi gefa þér treyjuna mína, þú þarft ekki að taka hana svona hahaha,“ skrifaði Pogba.
Þetta má sjá hér.