Jurgen Klopp, stjóri Liverpool, var í gær spurður út í Thiago Alcantara, miðjumann Bayern Munchen.
Thiago er að kveðja Bayern í sumar en hann hefur gefið það út að hann vilji fá nýja áskorun.
Liverpool er mest orðað við miðjumanninn en Klopp vildi lítið gefa út á blaðamannafundi í gær.
,,Kæmi það ykkur á óvart ef ég myndi ekki svara? Ég svara aldrei þessari spurningu,“ sagði Klopp.
,,Hann er mjög góður leikmaður sem mér líkar við en mér líkar við aðra líka. Það er það eina sem ég hef að segja um hann.“