Zinedine Zidane, stjóri Real Madrid, viðurkennir að Eden Hazard sé að upplifa erfiða tíma hjá félaginu.
Hazard kom frá Chelsea í sumar en meiðsli hafa svo sannarlega sett strik í reikninginn á Spáni.
Hazard lék ekki í seinasta leik gegn Getafe og verður ekki með íd ag gegn Athletic Bilbao.
Hazard var frábær fyrir Chelsea í mörg ár en á eftir að komast almennilega af stað í Madríd.
,,Eden er að upplifa erfiða daga og við viljum ekki taka neinar áhættur. Hann er sá fyrsti sem staðfestir það,“ Zidane á blaðamannafundi.
,,Vonandi eru þessi meiðsli smávægileg og að við getum séð hann aftur áður en tímabilið endar.“