Steven Bergwijn, leikmaður Tottenham, var steinhissa á að VAR hafi tekið mark af liðinu gegn Sheffield United fyrir helgi.
Sheffield vann 3-1 heimasigur á Tottenham en í fyrri hálfleik var mark dæmt af gestunum fyrir hendi á Lucas Moura sem féll í grasið.
,,Að mínu mati er þetta mark. Lucas getur ekki fjarlægt hendurnar. Þeir ýttu honum í bakið svo þeir náðu tvennu vitlaust,“ sagði Bergwijn.
,,Ég skil ekki af hverju aukaspyrna var ekki dæmd. Kannski því við héldum áfram að spila en hann verður að dæma markið.“
,,Hvar á hann að setja hendurnar? Þetta mark átti að standa.“