Ragnar gerði skammtímasamning við FC København þegar hann kom aftur til þeirra í janúar en síðan þá hefur honum boðist til að vera lengur. Stale Solbakken, stjóri félagsins, tjáir sig um Ragnar í kjölfar samningsins. „Ragnar hefur mikla löngun til að spila fyrir FC København og hefur sýnt það í hversu miklum metum félagið er hjá honum,“ segir stjórinn. „Hann er reynslumikill og ófyrirleitinn varnarmaður með mikla sigurþörf. Þá hefur hann einnig það stóra markmið að spila með Íslandi á EM næsta sumar svo hungrið er svo sannarlega til staðar.“
Þá segist Ragnar vera ánægður en hann segir í viðtali sem birtist á heimasíðu FC København að Kaupmannahöfn sé orðin hans heimaborg. „Ég elska að spila fyrir félagið og stuðningsmennina. Það var markmið mitt að vinna mér inn nýjan samning svo ég er mjög ánægður.“