„Kannski ég spili í járnbrókum í næsta leik til að fá ekki ítrekað fingur í afturendann,“ segir Guðmundur Kristjánsson, leikmaður FH, á Twitter síðu sinni eftir leik liðsins við Gróttu.

Guðmundur vildi ekki tjá sig mikið um atvikið í samtali við 433 en staðfesti þó að þetta hafi gerst í leiknum við Gróttu. Þá sagði Guðmundur einnig að þetta hafi gerst oftar en einu sinni í leiknum. Guðmundur vildi ekki segja hvaða leikmaður í Gróttu það var sem stakk fingrinum í afturendann en sagði þó að það myndi líklega koma í ljós þegar upptökur úr leiknum yrðu skoðaðar.

Vilhjálmur nokkur svarar tísti Guðmundar. „Hver er mesti puttari deildarinnar?“ spyr Vilhjálmur. „Þetta er ný reynsla fyrir mér,“ segir Guðmundur. „Ég læt þig vita í lok tímabils hvort það séu fleiri leikmenn með brúna fingur.“