Andrea Pirlo, sem lagði takkaskóna á hilluna árið 2017, verður nýr  þjálfari U21 liðs Juventus. Greint var frá þessu í fjölmiðlum á meginlandinu í dag.

Þegar Pirlo var hvað bestur var hann á meðal þeirra bestu í heiminum. Hann á að baki fjölda leikja með bæði AC Milan og Juventus í ítölsku deildinni. Þá var Pirlo einnig fastamaður í ítalska landsliðinu. Hann var mikill leiðtogi og bar oft fyrirliðabandið, bæði með AC Milan og landsliðinu.

Nú er hann kominn aftur til Juventus til að reyna fyrir sér sem þjálfari en þetta er hans fyrsta starf sem þjálfari. Pirlo býr yfir gríðarlega mikilli reynslu og mun hann án efa ná að koma henni til yngri leikmanna Juventus.