Jóhannes Karl Guðjónsson, þjálfari ÍA, gat brosað í kvöld eftir 4-1 sigur liðsins á Val í efstu deild karla.
ÍA hélt sýningu á Valsvellinum þar sem Viktor Jónsson fór á kostum og skoraði eitt og lagði upp þrjú mörk.
,,Ég er nokkuð sáttur eins og allir Skagamenn á þessum leik, ég er sáttur með strákana í dag,“ sagði Jói Kalli við Stöð 2 Sport.
,,Við höfum reynt að spila okkar leik og finna veikleika andstæðingana, það hefur gengið ágætlega en munurinn í dag er að við vörðumst vel og lokum á Val.“
,,Við vildum pressa og láta Hannes vera mikið á boltanum en við sem vinnum með þessum strákum vitum það að þeir eru frábærir sóknarmenn, fljótir og teknískir leikmenn sem geta skorað mörk.“
,,Hugmyndafræði okkar er ekki flókin, við viljum spila á svæðum þar sem við erum í yfirtölu. Þeir loka á uppspilið og við vorum þrír á þrjá hátt á vellinum á þeirra vallarhelmingi og nýttum það vel.“