Nú hefur Lingard opnað sig um gengið en hann gerði það á Instagram-síðu sinni. „Þetta tímabil hefur verið svo erfitt og það eru margar ástæður fyrir því. Ég týndi sjálfum mér sem leikmanni og manneskju en ég vildi aldrei gefast upp. Ég vissi hver ég var í raun og veru bæði innan og utan vallar og ég vissi að ég gæti komist aftur þangað sem ég var,“ segir Lingard.
„Þetta þýddi að ég varð að vinna meira en nokkru sinni fyrr og treysta á mína nánustu til að leggja sitt af mörkum til að hjálpa mér. Ég veit að stuðningsmennirnir hafa verið pirraðir á mér allan þennan tíma en ástin mín á félaginu hefur aldrei minnkað. Þetta lið, þetta félag er fjölskyldan mín og ég mun halda áfram að vinna meira en nokkru sinni fyrr til að hjálpa liðinu að ná sínum markmiðum.“