Ólafur Garðarsson, umboðsmaður Rúriks Gíslasonar, sagði í samtali við RÚV í dag að það sé afar hæpið að Rúrik gangi til liðs við lið á Íslandi í sumar.

Landsliðsmaðurinn er án félags þessa stundina en hann hætti hjá þýska liðinu Sandhausen í sumar. Orðrómar um að Rúrik sé á leiðinni heim hafa verið á kreiki og hefur hann meðal annars verið orðaður við FH og Víking. Ólafur blæs því á þá orðróma í samtali sínu við RÚV.

Þá segir Ólafur að Rúrik hafi hafnað tilboðum frá liðum á meginlandinu en von sé þó að fleiri tilboð komi. Hann segir að það muni bráðlega koma í ljós hvert för Rúriks er heitið en ef marka má orð hans þá er förinni allavega ekki heitið heim til Íslands.