Hér fyrir neðan má sjá hvernig leikir kvöldsins fóru:
Þór/KA 2-2 Fylkir
Markalaust var á Akureyri í hálfleik en Stefanía Ragnarsdóttir kom Fylki yfir á 65. mínútu. Aðeins fjórum mínútum síðar náði Þór/KA að jafna metin en það var Margrét Árnadóttir sem skoraði fyrir Þór/KA.
Á 77. mínútu skoraði Bryndís Arna Níelsdóttir úr víti fyrir Fylki og kom þeim yfir. Einungis mínútu síðar skoraði Þórdís Elva Ágústsdóttir í Fylki sjálfsmark og varð leikurinn því aftur jafn. Mörkin urðu ekki fleiri og endaði leikurinn því 2-2
Breiðablik 5-0 Þróttur
Topplið Breiðabliks komst yfir á 25. mínútu með marki frá Berglindi Þorvaldsdóttur. Berglind var síðan aftur á ferðinni á 43. mínútu þegar hún skoraði annað mark Blika og var staðan 2-0 fyrir Breiðablik í hálfleik.
Agla Albertsdóttir gerði Þrótturum erfitt fyrir þegar hún kom Breiðablik í þriggja marka forystu á 57. mínútu. 10 mínútum seinna skoraði Alexandra Jóhannsdóttir fjórða mark leiksins fyrir Breiðablik og í uppbótartíma skoraði Agla María Albertsdóttir fimmta mark Blika og gulltryggði sigurinn.
KR 3-0 FH
Í Vesturbænum var það Katrín Ásbjörnsdóttir sem skoraði fyrsta mark leiksins á 23. mínútu og kom KR yfir. Átta mínútum síðar skoraði Katrín annað mark fyrir KR og kom þeim því í 2-0. Snemma í seinni hálfleik náði Angela Beard að skora þriðja mark KR-inga. Fleiri mörk voru ekki skoruð og lokaniðurstaðan því 3-0 fyrir KR.