Diego Simeone, stjóri Atletico Madrid, hefur tjáð sig um þær sögusagnir að Chelsea sé að reyna við Jan Oblak.

Oblak þykir vera einn besti markvörður heims en hann hefur undanfarin ár varið mark Atletico og staðið sig með prýði.

,,Þetta kemur mér ekkert á óvart, á hverju ári eru okkar bestu leikmenn orðaðir við bestu lið heims,“ sagði Simeone.

,,Það er eðlilegt að skoða bestu leikmennina og við eigum svo marga. Sumir hafa farið og aðrir ekki.“

,,Það er skiljanlegt að einhver vilji fá Oblak. Hann er okkar fyrirliði og mikilvægur leikmaður. Ég vona að við getum haldið áfram að treysta á hann.“