Í dag birti KSÍ sína árlega skýrslu um greiðslur íslenskra knattspyrnufélaga til umboðsmanna. Skýrslan inniheldur heildarupphæð yfir allar þóknanir sem íslensk félög hafa greitt til umboðsmanna frá 1. apríl 2019 til 30. júní 2020.
Tölurnar sem eru birtar er samanlögð heildarupphæð fyrir alla leikmenn og samanlögð heildarupphæð hvers félags. Heildarupphæð þeirra liða sem greiddu mest fer yfir milljón krónur. Heildarupphæð allra liðana til samans er rúmlega 7 milljónir. Árið 2019 var heildarupphæðin um 6 og hálf milljón en árið 2018 var heildarupphæðin um 5 milljónir.
Það kemur eflaust ekki mörgum á óvart að Valur situr á toppi listans en félagið hefur undanfarin ár verið duglegt í að sækja sér leikmenn. Félagið greiddi rúmlega eina og hálfa milljón samanlagt til umboðsmanna undanfarið ár.
Breiðablik kemur á eftir Val en samanlögð upphæð sem Breiðablik greiddi til umboðsmanna er rúm milljón. Þá fylgir ÍBV og Víkingur R. fast á eftir en félögin greiddu bæði í kringum 900 þúsund krónur til umboðsmanna undanfarið ár.
Hér fyrir neðan má sjá listann í heild sinni yfir upphæðirnar sem félögin greiddu til umboðsmanna.