Mason Greenwood, leikmaður Manchester United, var á óskalista Crystal Palace í byrjun tímabils.
Greenwood verður í eldlínunni í kvöld er United spilar við einmitt Palace á Selhurst Park.
Roy Hodgson, stjóri Palace, segir að félagið hafi reynt að fá framherjann áður en tímabilið fór af stað.
,,Mason er frábær leikmaður. Við höfum vitað af honum og held að við höfum spurst fyrir um hann í byrjun tímabils,“ sagði Hodgson.
,,Við vildum athuga hvort það væri hægt að fá hann á láni. Auðvitað var svarið neikvætt. Þeir horfa á hann sem einn af þeim.“