Það eru margir knattspyrnuaðdáendur sem fylgjast með rásinni Arsenal Fan TV sem er á YouTube.
Það eru margir sérstakir einstaklingar sem fá að tjá sig þar og eru blóðheitir stuðningsmenn Arsenal.
Einn sá vinsælasti ber nafnið Claude Callegari en hann hefur nú verið rekinn og mun ekki sjást aftur á rásinni.
Ástæðan er sú að Claude eins og hann er kallaður, var með rasisma í garð Heung-Min Son, leikmanns Tottenham.
,,DVD er nú að koma útaf,“ sagði Claude er Arsenal spilaði við Tottenham í úrvalsdeildinni á dögunum.
Orðið ‘DVD’ er stundum notað um fólk frá Asíu sem selur DVD spilara sem og aðrar græjur á götumarkaði.
Eigandi Arsenal Fan TV, Robbie Lyle, var ekki lengi að bregðast við og hefur Claude verið sagt upp störfum.