Valur 1-1 Fylkir
0-1 Sólveg Jóhannesdóttir Larsen(18′)
1-1 Elín Metta Jensen(24′)
Valur tapaði í kvöld sínum fyrstu stigum í úrvalsdeild kvenna eftir leik við Fylki á heimavelli.
Það dró til tíðinda strax á annarri mínútu er Elísa Viðarsdóttir fékk rautt spjald hjá Val og Fylkir vítaspyrnu.
Bryndís Arna Níelsdóttir steig á punktinn en Sandra Sigurðardóttir í marki Vals varði frá henni.
Fylkir komst svo yfir á 18. mínútu er Sólveg Jóhannesdóttir Larsen skoraði fyrsta mark leiksins.
Sú forysta entist í aðeins sex mínútur en markavélin Elín Metta Jensen jafnaði þá fyrir Val.
Valur er enn á toppnum með 16 stig en Blikar eru í öðru sæti með tvo leiki til góða.