Barcelona á Spáni er búið að bjóða tveimur liðum á Englandi að kaupa miðjumanninn Philippe Coutinho.
Frá þessu greinir Goal.com í kvöld en Coutinho er á förum frá spænska stórliðinu í sumar.
Það hefur lítið gengið hjá Brassanum á Spáni en hann var áður frábær fyrir Liverpool í ensku úrvalsdeildinni.
Coutinho gekk í raðir Barcelona í janúar 2018 en hann var lánaður til Bayern Munchen á þessu tímabili.
Goal segir að bæði Arsenal og Newcastle hafi verið boðið að kaupa Coutinho sem kostaði áður 120 milljónir evra.
Barcelona vill fjármagna kaup á Lautaro Martinez, framherja Inter Milan.