Tottenham 2-1 Arsenal
0-1 Alex Lacazette(16′)
1-1 Son Heung-Min(19′)
2-1 Toby Alderweireld(81′)
Tottenham vann afar mikilvægan sigur í ensku úrvalsdeildinni í dag er liðið mætti grönnum sínum í Arsenal.
Það fylgir því ávallt mikið stolt að vinna þessa grannaslagi og í gegnum árin hafa liðin tvö tekist hart á.
Arsenal byrjaði betur á útivelli í dag og komst yfir með marki frá Alex Lacazette í fyrri hálfleik.
Sú forysta entist aðeins í þrjár mínútur en sóknarmaðurinn Son Heung-Min svaraði þá fyrir heimamenn.
Staðan var jöfn þar til á 81. mínútu er Toby Alderweireld hoppaði hæst allra í vítateignum og tryggði Tottenham sigur með marki eftir hornspyrnu.
Tottenham er nú í áttunda sæti deildarinnar með 52 stig, tveimur stigum á undan Arsenal sem er sæti neðar.