Zlatan Ibrahimovic, leikmaður AC Milan, hefur engan áhuga á að spila með liðinu í Evrópudeildinni á næstu leiktíð.
Zlatan er 38 ára gamall en hann kom til Milan í byrjun árs og hefur síðan þá skorað sex mörk.
Ólíklegt er að Milan komist í Meistaradeildina og gæti það þýtt að sænski framherjinn sé að kveðja.
,,Ibra spilar til þess að vinna eitthvað, ef ekki þá er hann heima hjá sér,“ sagði Zlatan í blaði La Gazzetta dello Sport.
,,Þeir sögðu mér að það væri of auðvelt að hætta í Bandaríkjunum svo ég kom aftur til Milan. Ég er hérna vegna ástríðu og er nánast að spila frítt.“
,,Svo byrjaði COVID tímabilið og allt stoppaði. Ég hugsaði með mér að kannski væri verið að segja mér að hætta.“
,,Sem betur fer komumst við aftur á völlinn. Eftir tvo daga var ég tilbúinn að koma aftur í liðið. Ibra er þannig.“
,,Ibra fæddist til þess að spila fótbolta og er ennþá sá besti. Við sjáum hvernig mér líður eftir tvo mánuði. Við sjáum líka hvað gerist hjá félaginu. Ef staðan er svona þá er ólíklegt að ég verði hjá Milan á næstu leiktíð.“
,,Ibra er ekki leikmaður fyrir Evrópudeildina og Milan er ekki félag sem á heima þar.“