Eric Dier, leikmaður Tottenham, heimtar tvöfalt hærri laun ef hann á að framlengja við félagið.
Þessi 26 ára gamli leikmaður er að renna út á samningi en hann verður frjáls ferða sinna næsta sumar.
Dier er mikilvægur hlekkur í liði Tottenham en fær aðeins 60 þúsund pund á viku.
Það er mjög góð upphæð en hún er ekki há í samanburði við lykilmenn annarra stórliða á Englandi.
Dier vill að Tottenham hækki launin hans í 120 þúsund pund á viku og er hann þá klár í að skrifa undir framlengingu.
Harry Kane er mikilvægasti leikmaður Tottenham og fær 200 þúsund pund á viku.
