Lord Alan Sugar, fyrrum eigandi Tottenham, er kominn með nóg af Jose Mourinho, stjóra liðsins.
Mourinho tók við Tottenham fyrr á þessu tímabili en Mauricio Pochettino var þá rekinn frá félaginu.
Margir stuðningsmenn Tottenham eru á því máli að Mourinho sé ekki rétti maðurinn fyrir félagið en gengið hefur verið brösugt.
Tottenham mætti Bournemouth á fimmtudaginn í leik sem lauk með markalausu jafntefli.
Mourinho hefur alls aðeins unnið 13 af 31 leik sem hann hefur stýrt Tottenham í.
Alan Sugar tjáði sig á Twitter þar sem hann grátbað Pochettino um að koma aftur til félagsins í stað Mourinho.