Timo Werner hefur staðfest það að bæði Manchester United og Liverpool hafi reynt að fá hann á árinu.

Werner er á mála hjá RB Leipzig en hefur gert samning við Chelsea og mun fara þangað í sumar.

,,Við náðum samkomulagi fyrir nokkrum vikum. Það fylgdu þessu ekki mörg vandamál því ég gat hugsað mig vel um í einangrun,“ sagði Werner.

,,Það er ekkert leyndarmál að það komu nokkur tilboð.“

Werner var svo spurður út í hvort Manchester United, Liverpool og Inter hefðu sýnt áhuga og svaraði: ‘Ég hefði getað farið þangað.’

,,Það voru nokkur félög sem börðust um mig en Chelsea pakkinn hentaði mér best.“