Antoine Griezmann getur spilað betur en hann hefur verið að gera hjá Barcelona á tímabilinu.
Þetta segir landi hans Clement Lenglet en Griezmann kom frá Atletico Madrid fyrir tímabilið.
,,Antoine hefur smellpassað inn í búningsklefann og það eru engin vandamál. Á vellinum þá veit hann sjálfur að hann getur gert betur,“ sagði Lenglet.
,,Við megum samt ekki gleyma tölfræðinni. Hann hefur samt skorað 14 mörk og lagt upp önnur.“
,,Það er ekki slæmt miðað við hans fyrsta tímabil. Hann er að spila öðruvísi kerfi en hjá Atletico.“