Manchester United hefur staðfest brottför táningsins Angel Gomes sem er nú án félags.
Gomes er aðeins 19 ára gamall en hann þykir mikið efni og á framtíðina fyrir sér.
United staðfesti í kvöld að Gomes hafi hafnað nýju tilboði félagsins og fer því annað á frjálsri sölu.
United vildi halda leikmanninum en hann var óánægður með spilatímann á Old Trafford.
Óvíst er hvað Gomes gerir næst en hann spilaði sinn fyrsta leik fyrir félagið árið 2016.