Geir Þorsteinsson, framkvæmdarstjóri ÍA, lét í sér heyra á samskiptamiðlinum Twitter í gærkvöldi.
Geir hefur lengi starfað í knattspyrnubransanum og er fyrrum formaður og framkvæmdarstjóri KSÍ.
Það hefur mikið verið rætt um mark Víkings R. á dögunum þar sem Óttar Magnús Karlsson skoraði beint úr aukaspyrnu.
Boltastrákur sendi boltann snöggt á Óttar við hliðarlínuna og nýtti hann sér það og skoraði úr annars erfiðu færi.
Leikmenn FH voru alls ekki tilbúnir þegar Óttar tók spyrnuna og segir Geir að markið hafi ekki átt að standa.
,,Óvinsælt tíst – fjallað er um sérstakt mark Víkings og skjót viðbrögð boltadrengs – MARKIÐ átti EKKI að standa – dómari átti að láta endurtaka spyrnuna,“ skrifar Geir.
,,Síðan annað MJÖG MIKILVÆGT – það er rangt að börn hafi hlutverk í taktík liðs á heimavelli.“
Víkingar höfðu að lokum betur með fjórum mörkum gegn einu.