Maður að nafni Craig Willis er búinn að missa vinnuna eftir að hafa birt umdeilda mynd á samskiptamiðlum.
Willis er harður stuðningsmaður Manchester United en hann hitti Riyad Mahrez, leikmann Manchester City, úti á götu.
Willis bað Mahrez um mynd af þeim saman og var vængmaðurinn ekki lengi að samþykkja þá beiðni.
Jarðvinnumaðurinn Willis braut hins vegar reglur með myndinni og hélt ekki fjarlægð eins og reglur segja til um í Bretlandi vegna COVID-19 en faraldurinn er afar skæður þar í landi.
Willis átti að halda sig í tveggja metra fjarlægð samkvæmt reglum sem snargleymdust við að rekast á Mahrez.
Willis tók myndina að eigin sögn fyrir vin sinn sem er stuðningsmaður City.
Degi seinna fékk Willis símtal þar sem honum var tjáð að það væri búið að segja honum upp.
Hér má sjá myndina umtöluðu.