Wilfried Zaha hefur tjáð sig um erfiða tíma sem hann upplifði hjá Manchester United frá 2013 til 2015.

Zaha fékk lítið að spila undir stjórn David Moyes og voru ýmsar sögusagnir í gangi um af hverju.

Það var lengi talað um að Zaha hefði sofið hjá dóttur Moyes sem ber nafnið Lauren.

,,Enginn hjá félaginu sagði mér neitt og ég vissi ekki hvað ég ætti að gera,“ sagði Zaha.

,,Ég man eftir að hafa tístað um ‘kjánalegar sögusagnir’ því þetta var að verða of mikið og ég vildi tjá mig.“

,,Svo man ég eftir að félagið sendi mér skilaboð á Twitter og sögðu mér að ég hefði ekki átt að gera þetta. Ég hugsaði bara ‘þið hefðuð átt að hjálpa mér.’

,,Ég var þarna einn í vandræðum og fólk var að segja að ég hefði sofið hjá dóttur þjálfarans og þess vegna væri ég ekki að spila.“