Jonathan Barnett, umboðsmaður Gareth Bale, hefur svarað fyrir hönd leikmannsins sem er reglulega gagnrýndur á Spáni.
Bale hefur oft verið sakaður um leti og segja sumir að hann kunni ekki að tala spænsku eftir nokkur ár hjá Real Madrid.
Barnett segir að þetta sé hins vegar bull og að félagið sjálft hafi aldrei gagnrýnt hann.
,,Það hefur aldrei heyrst neitt slæmt frá Real Madrid um Gareth Bale og Zinedine Zidane hefur ekkert slæmt sagt – fjölmiðlar halda áfram að búa til hluti,“ sagði Barnett.
,,Þessir svokallaðir sérfræðingar tala um að helsta vandamál Gareth sé að hann tali ekki spænsku og að það sé til skammar.“
,,Þetta fólk hefur aldrei hitt Gareth og hafa aldrei spurt neinn svo ég veit ekki hvaðan þeir fá þessar hugmyndir.“
,,Gareth talar spænsku svo ég vil ekki heyra þessa svokölluðu sérfræðinga bulla í sjónvarpinu.“