Troy Deeney framherji og fyrirliði Watford er mættur til starfa eftir að hafa neitað að mæta til æfinga fyrst um sinn.

Deeney taldi það ekki öruggt að mæta til æfinga fyrir um tveimur vikum og óttaðist hann það að fá kórónuveiruna.

Ungur sonur hans er með öndunarerfiðleika og var það stærsta ástæða þess að Deeney treysti sér ekki til vinnu. Enska úrvalsdeildin fer af stað 17 júní og Deeney berst fyrir lífi sínu.

Framherjinn knái var hins vegar mættur á æfingu í fyrsta sinn í dag og ætlar sér að hjálpa liðinu á ögurstundu.

„Ég sá ummæli sem komu til mín þar sem fólk var að vonast eftir því að sonur myndi fá veiruna. Það var erfitt að sjá, þú svarar ekki slíku,“ sagði Deeney.