Peter Crouch fyrrum framherji í enska boltanum hefur ákveðið að snúa vörn í sókn gegn innbrotsþjófum sem hafa reglulega reynt að komast inn á heimili hans.
Crouch var að gera sjónvarpsþætti fyrir BBC og voru prentuð spjöld af Crouch sem voru víða um England til að auglýsa þættina. Spjöldin af Crouch eru í sömu stærð og hann.
Crouch fékk svo spjöldin heim til sín og ætlar að nota þau í garðinum sínum og inni á heimili sínu til að fæla innbrotsþjófa burt.
„Ég er með einn í svefnherberginu og þegar ég var að labba í garðinum þá hræddi þetta mig,“ sagði Crouch.
Þjófar hafa reglulega gert sér ferðir á heimili Crouch og var bíl hans stolið fyrir nokkrum árum.