Jurgen Klopp stjóri Liverpool er ekki sáttur með stuðningsmenn félagsins sem fóru ekki eftir reglum í samfélaginu.
Stuðningsmenn félagsins hópuðust saman á föstudag í miðborg Liverpool og fögnuðu fyrsta deildartitlinum í 30 ár. Læti voru í þessum fögnuði og var fjöldi fólks sem slasaðist.
„Það sem ég elskaði ekki og ég verð að segja þetta, var það sem ég sá gerast í miðborg okkar,“ sagði Klopp.
„Mín ástríða er ykkar ástríða en núna er mikilvægt að hafa ekki svona skemmtanir. Við skuldum fólkinu það sem er veikt fyrir, þeim sem vinna á sjúkrahúsinu. Þau hafa gefið allt í sitt.“
,,Fagnið en fagnið á ábyrgan hátt, við viljum ekki dreifa þessum hræðilega sjúkdómi í okkar samfélag.“
„Ef heimurinn væri öðruvísi þá myndi ég elska það að fagna saman.“