Lögreglan og yfirvöld í Liverpool óttast fjölda COVID-19 smita eftir að stuðningsmenn Liverpool hópuðust saman fyrir utan Anfied í gærkvöld.
Liverpool er Englandsmeistari árið 2020 eftir leik Chelsea og Manchester City í gærkvöld. Það hefur lengi legið í loftinu að Liverpool yrði meistari en liðið hefur aðeins tapað einum leik í deildinni. Manchester City þurfti að vinna Chelsea í gær til að tefja enn frekar en liðið tapaði 2-1 á Stamford Bridge.
Þetta er fyrsti sigur Liverpool í ensku úrvalsdeildinni en liðið vann síðast árið 1990 þegar úrvalsdeildin var ekki stofnuð. Liverpool er með 86 stig á toppi deildarinnar, 23 stigum á undan City sem vann titilinn í fyrra. Afrek Liverpool er magnað en sjö umferðir eru eftir af deildinni.
Þrátt fyrir ítrekaðar beiðnir frá Jurgen Klopp stjóra Liverpool um að halda sig heima réðu stuðningsmenn Liverpool ekki við sig.
Eftir fögnuð næturinnar er ótrúlegt magn af rusli fyrir utan Anfield eins og myndbandið hér að neðan sýnir.
#Anfield this morning 😳😳 #LFCchampions pic.twitter.com/GsyvkUtRi5
— The Way I See Liverpool (@TheWayISeeLpool) June 26, 2020