Óvæntustu úrslit íslensku úrvalsdeildarinnar á tímabilinu urðu að veruleika í kvöld er Íslandsmeistarar KR spiluðu við HK.
Það bjuggust allir við sigri KR á heimavelli í kvöld en liðið vann Val 1-0 í fyrstu umferð. HK tapaði á sama tíma 3-2 gegn FH.
HK kom öllum á óvart og tók forystuna á 44. mínútu er Valgeir Valgeirsson skoraði fyrsta mark leiksins.
KR var sterkari aðilinn í fyrri hálfleik en tókst ekki að skora og HK með forystuna í hálfleik.
HK skoraði svo annað mark sitt á 57. mínútu er Birkir Valur Jónsson kom boltanum í netið.
KR reyndi og reyndi að ná inn marki en þriðja markið var einnig HK-inga er Jón Arnar Barðdal skoraði á 88. mínútu.
Lokastaðan 0-3 fyrir HK í Vesturbæ sem eru ótrúlega óvænt úrslit.
Hér má sjá viðbrögðin við tapinu.
Hvaða snillingur skátaði Jón Barðdal fyrir HK? 10 leikir í efstu deild. Þvílíkur leikur. Maður leiksins.
— Ingólfur Sigurðsson (@ingolfursig) June 20, 2020
Flott lýsing í kvöld minn kæri @GummiBen
Ég hlakka til að sjá faglega umfjöllun um leikinn í Pepsi Max Stúkunni a manudagskvöld og heyri ykkar hlið á atburðum kvöldsins.
Kærleikskveðja
H— Hjörvar Hafliðason (@hjorvarhaflida) June 20, 2020
Hataðir, elskaðir, eina sanna stórveldið.
Frábær leikur hjá HK.
Áfram gakk!#allirsemeinn— Birgir Þór (@birgirtho) June 20, 2020
Ásgeir Börkur er alltaf góður í Frostaskjólinu..
— Birgir Þór (@birgirtho) June 20, 2020
Skil ekkert
— Jón Kári Eldon (@jonkarieldon) June 20, 2020
En internetið sagði mér að nokkrir leikmenn HK væru bara ekki nægilega góðir fyrir Pepsi… er ekki viss um að KR-ingar séu sammála því akkúrat núna. Fegurðin blekkir! #LiðFólksins #fotboltinet
— Birgir H. Stefánsson (@BHStefansson) June 20, 2020
Ekki klár í Max? Laskaður @sigurdurhb múraði fyrir á Meistaravöllum.
Þurfum við ekki að fara fá betri „sérfræðinga“ í íslenska boltann? #fotbolti #fotboltinet https://t.co/BriQrZ8geU
— Alexander Berg (@Jessmundur) June 20, 2020