Manchester United mun skoða það að kaupa Raheem Sterling ef Manchester City verður dæmt í bann frá Meistaradeildinni. Ensk blöð fjalla um málið.
United er að skoða það að fá inn kantmann en óvíst er hvort Manchester City hafi einhvern áhuga á að selja hann innan Manchester.
City hefur fengið tveggja ára dóm fyrir að brjóta fjárhagsreglur UEFA og á að vera í banni frá Evrópukeppnum.
City áfrýjaði dómnum og verður málið tekið fyrir í næstu viku, líklegt er að City fái eitthvað bann en möguleiki er á að dómurinn verði mildaður.
City gæti lent í vandræðum með að halda sínum skærustu stjörnum en Kevin de Bruyne hefur opinberað það að hann gæti skoðað það að fara.
Sterling hefur átt frábæran tíma hjá City en hann lék áður með Liverpool.
