Elísabet Gunnarsdóttir þjálfari Kristanstad í Svíþjóð þarf að taka sér frí frá þjálfun um óákveðinn tíma vegna veikinda.
Elísabet er með taugasjúkdóm en óvíst er hvenær hún getur snúið aftur á hliðarlínuna.
„Þetta er mjög sársaukafullt,“ sagði Elísabet við Kristianstadsbladet.
Björn Sigurbjörnsson aðstoðarþjálfari liðsins mun stýra liðinu á meðan. Fyrsta umferð deildarinnar fer af stað í lok mánaðarins.
Elísabet hefur stýrt liðinu um langt skeið og náð góðum árangri, hún var meðal annars kjörinn þjálfari ársins á síðustu leiktíð.