Enska úrvalsdeildin fer aftur af stað 17 júní að öllu óbreyttu. Þetta var staðfest fyrir helgi. Deildin fer af stað með leikjum Aston Villa gegn Sheffield United og stórleik Manchester City og Arsenal. Þetta eru leikir sem átti eftir að klára.
Heil umferð fer svo af stað 19 júní og verður leikið frá föstudegi til mánudags.
Þessi ákvörðun fékk svo byr í seglin um helgina þegar rúmlega þúsund einstaklingar tengdir liðunum voru prófaðir fyrir veirunni.
Engir áhorfendur verða á vellinum en deildin leitar leiða til að reyna að búa til smá stemmingu.
Ensk blöð segja frá því í dag að það sé í skoðun að nota hljóð úr FIFA 20 leiknum til að búa til stemmingu en ansi dauf stemming er á vellinum þegar áhorfendur geta ekki mætt.