Manchester United hefur verið duglegt að hjálpa til í Manchester borg nú þegar kórónuveiran hefur sett sterkan svip á landið.
Útgöngubann var í Bretlandi í tæpar átta vikur en byrjað er að aflétta því og lífið færist nær því sem eðlilegt er.
Manchester United bað starfsmenn sína sem gátu og vildu að hjálpa til í samfélaginu á meðan veiran var sem verst. Starfsmenn félagsins komu mat til eldra fólks svo dæmi sé tekið.
Um 170 starfsmenn tóku þátt í þessu og þeir fengu bónus í gær þegar þeir skiptu á milli sín 7 þúsund könnum af áfengi.
Áfengið átti að selja og nota á heimaleikjum Manchester United á þessari leiktíð en leikið verður án áhorfenda þegar deildin fer aftur af stað.
Um er að ræða 7 þúsund stykki af bjór og cider sem starfsmennirnir geta skipt á milli sín.