ÍSÍ hefur verið falið að úthluta 450 milljóna kr. stuðningi ríkisins til íþróttahreyfingarinnar til þess að mæta áhrifum COVID-19. Úthlutun mun bæði snúa að almennum og sértækum aðgerðum.
Almennar aðgerðir munu taka mið af reiknireglu og koma til framkvæmda strax. Sértækar aðgerðir felast í að fjármagni verði úthlutað vegna sérstakra viðburða, móta og keppnishalds sem ekki getur orðið af vegna COVID-19.
Fram kemur í fundargerð stjórnar KSÍ að 300 milljónir fari til rúmlega 200 félaga í almennum aðgerðum, óvíst er hvernig skipting verður.
,,Fyrr í dag fundaði ÍSÍ með sérsamböndum og kynnti úthlutun á framlagi ríkisins til íþróttamála. Staðfest er að 300 milljónir fara til rúmlega 200 félaga í almennum aðgerðum. 150 milljónir fara í sértækar aðgerðir skv. skilgreindu umsóknarferli.“ segir í skýrslu stjórnar KSÍ.