Enska úrvaldeildin fer aftur af stað 17 júní að öllu óbreyttu. Þetta var staðfest fyrir helgi. Deildin fer af stað með leikjum Aston Villa gegn Sheffield United og stórleik Manchester City og Arsenal. Þetta eru leikir sem átti eftir að klára.
Heil umferð fer svo af stað 19 júní og verður leikið frá föstudegi til mánudags.
Þessi ákvörðun fékk svo byr í seglin í gær þegar rúmlega þúsund einstaklingar tengdir liðunum voru prófaðir fyrir veirunni.
Ekkert nýtt smit kom þar upp og eru það góð tíðindi fyrir forráðamenn deildarinnar sem vilja fara af stað, 12 staðest smit komu upp í fyrstu þremur umferðum af prófunum.
Allir tengdir liðunum verða prófaðir tvisvar í viku til að koma í veg fyrir hópsmit.